موضوع: تخيل البنت تخطب الشاب _ يافرحتي السبت أبريل 19, 2008 4:23 pm
تخيلوا البنت تخطب الشب يافرحتنا
لو يصير هالشي كان؟؟؟
تخيلوا البنات يخطبو والله مشكلة بنات اخر زمن المهم .. تخيلوا البنات يخطبو الشباب!!! يعني بيوم من الايام وانت قاعد تقرا كتاب رومانسي وأنواع الأحلام الورديه و سرحان في فارسة احلامك على الحصان الابيض .
الا و امك فاتت على غرفتك وقالتلك: ابني بدي احكي معك بموضوع بترد انت بكل خوف :خير ماما .... تقول امك: جارتنا ام خالد بدها تخطبك لبنتها. وانت ماشالله كبرت و صرت شب شو رايك؟ بتنزل انت راسك في الارض و تلعب باصبعك في شعرك و ترد و انت مستحي و خدودك حمر و تقول: ....
الراي رايك والشور شورك ماما.
تقول امك: انا بصراحة ما شفت شي عالبنت. .
ماشالله عليها محترمة و وظيفتها منيحة و راتبها ممتاز و من عيلة محترمة و من البيت للشغل و من الشغل للبيت .. ولا عندها قصص السفر و و ما بتشرب ولا بتدخن ولا بتروح وبتجي يعني بنت ما عليها حكي
تقول انت : بس يا ماما هي ما شافتني من اول. تقول امك: هي شافتك و انت نازل من باص المدرسة
و سألت عنك و قالو لها شب منيح ومو شغل اسواق و كوفي شوب و ما بيطلع الا مع ابوه. تسال انت: طيب يا ماما بابا شو رأيو تقول امك: ابوك ما بيعرف خليه ملتهي في المطبخ الله يعينه تقول انت :اللي بتشوفيه ماما. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك تقول : اه اخيرا حسَت و خطبتني. (لالالالالالالالا ما بيصير بس يلا رح كمل)قبل يوم الخميس تروح انت لكوافيير رجالي و تكون مساوي حجز و تقعد و تصبغ شعرك (هاي لايت وتعمل تنظيف بشرة بتطلع متل فلقة القمر
وما بتشوفها الاهي وامها جايين يوم الخميس مشان يشوفوك.. ويقولك ابوك : يالله دخل العصير لخطيبتك هلأ امك بتدبحنا ابوك بيقلك وهو يطق على كتفك و يضحك يا بابا روح لعروسك إهئ إهئ تقول انت: يا بابا دايما تحرجني انت و تاخذ صينية العصير و تدخل الصالون اللي فيه البنت بكل نعومه ورقه ودلع وأدب و تقول بصوت ناعم: احم احم مرحبا او مسا الخير (ما بتفرق ) ترد هي بعد ما وقفت مسا النور(وهي عم تطلع عليك) و بتقلها تفضلي.... تقول هي: انو اطيب عصير المنكا ولا الليمون؟" ال يعني بدها تلطف الجو معك " تقول انت: كلو طيب تقول هي: اكيد كلو طيب لانك انت يلي عم تقدمو
ثم تحط الصينية بسرعة و ايدك على تمك و تضحك و تروح بسرعة
لعند اخواتك يلي عم يستنوك و يقولون: شلون شكلها
تقول انت: ولي بتجنن بتجنن حلوة و دمها خفيف و ذوقها هااااااااااي بيجي ابوك من المطبخ عم يزلغط بفوتةاختك من بره و حاطه جاكيتها على كتفها و تقول : خير شو في؟؟؟ يقوله ابوك : وطي صوتك في وحده جوا عم تخطب اخوكي.. تقول اختك: وهي وين شافت اخي حتى تخطبه ؟؟؟؟ و تعطيك كف و تصرخ والله لالعن شكلها اللي جايه تخطب اخي شباب آخر زمن <<< والله وصرتم يابنات تقولوها بتجي امك وبتضرب اختك كف و تطلع اختك بالسيارة و تحرد من البيت
تمر الايام و انت تجهز طقم العرس و و بيت الزوجية و خلال هالفترة تمر تاخدك بالسيارة وتتغدو وتتعشو......... وبعد الزواج:
و ترجع لبيتك تربي ولادك و تطبخ الغدا لزوجتك
وتتخانقو ساعات و تنام و دمعتك على خدك
ويزيد حدة الخلاف و تاخذ غراضك و ولادك و تروح لبيت اهلك
موضوع: رد: تخيل البنت تخطب الشاب _ يافرحتي الأحد أبريل 20, 2008 11:04 pm
السلام عليكم ورحمة الله وبركاته .......................... بدك الصراحه انا بتنمى تنقلب القصة حتى تشوفو قديش البنت بتكون محرجه وخجلانه لما بتقدم لها شاب ولكن بما اننا بعصر المساواة ما بين الرجل والمرأة ليه ما ندعوا الجميع الى تطبيق هالشي وبارك الله فيكم
موضوع: تخيل البنت تخطب الشاب _ يافرحتي 
السبت أبريل 19, 2008 4:23 pm
